İdarə Heyətinin sədri

   Samir Əli Hüseyn oğlu Axundov

Samir Əli Hüseyn oğlu Axundov 8 oktyabr 1971-ci ildə Bakı şəhərində anadan olub.

1988-1993-cü illərdə Azərbaycan Texniki Universitetinin Maşınqayırma fakultəsini mühəndislik ixtisası üzrə bitirib.

2004-cü ildə Azərbaycan Energetika və Layihələndirmə İnstitutunda “Elektrik enerjisi sistemləri və elektrik şəbəkələri, enerjinin idarəolunması” mövzusunda dissertasiya müdafiə edərək texniki elmlər üzrə fəlsəfə doktoru elmi dərəcəsini alıb.

1998-2003-cü illərdə "Siemens" Səhmdar Cəmiyyətinin  Azərbaycan nümayəndəliyinin "Enerjinin istehsalı və paylanması" şöbəsinin rəhbəri kimi çalışıb. 2003-cü ildə Nümayəndəliyin rəhbəri, 2015-ci ildə isə "Siemens" Səhmdar Cəmiyyətinin Azərbaycandakı filialının  baş icraçı direktoru təyin olunaraq 2018-ci ilə qədər bu vəzifələrdə çalışıb.

İş fəaliyyəti ilə yanaşı, həmçinin Almaniya-Azərbaycan İqtisadi Yardım İttifaqının və sonra Almaniya-Azərbaycan Xarici Ticarət Palatasının İdarə Heyətinin sədri vəzifələrində çalışıb.

Azərbaycan Respublikası energetika nazirinin 30 yanvar 2018-ci il tarixli əmri ilə Samir Axundov Nazirliyin tabeliyində yaradılmış Enerji Məsələlərini Tənzimləmə Agentliyinin İdarə Heyətinin sədri təyin edilib.