İdarə Heyəti sədrinin müavinləri

Rövşən İsmayıl oğlu İsmayılov

 

1992-1996-cı illərdə Türkiyə Respublikasında, İstanbul Universiteti MYO-da təhsil alıb.

1997-2002-ci illərdə o, Azərbaycan Dövlət İqtisad Universitetini bitirib.

Rövşən İsmayılov 2007-ci ildə həmin universitetdə maliyyəçi ixtisası üzrə magistr dərəcəsi alıb.

O, əmək fəaliyyətinə 1996-cı ildə Azərbaycan Milli Bankında başlayıb.

1997-2012-cı illər ərzində Rövşən İsmayılov Azərbaycan Beynəlxalq Bankında şöbə rəisi, departament direktoru, baş maliyyə direktoru və İdarə Heyəti sədrinin müavini kimi müxtəlif vəzifələrdə çalışıb.

2012-2015-ci illərdə “Bank Tecnique” ASC-nin Müşahidə Şurasının sədri olan Rövşən İsmayılov 2018-ci ildə Azərbaycan Respublikası Energetika Nazirliyinin tabeliyində yaradılmış Enerji Məsələlərini Tənzimləmə Agentliyinin İdarə Heyəti sədrinin müavini təyin edilib.

Ramin Səlim oğlu Babayev

 

1996-cı ildə Azərbaycan Universitetinin Beynəlxalq əlaqələr fakültəsini bitirib. O, təhsilini davam etdirərək Bakı Dövlət Universitetinin Hüquq fakültəsindən məzun olub. Əmək fəaliyyətinə prokurorluq orqanlarında başlayan Ramin Babayev Bakı şəhəri Səbail rayonu prokurorunun köməkçisi olub, Bakı şəhər prokurorluğunda çalışıb. 2001-2007-ci illərdə Ramin Babayev Azərbaycan Respublikası Dövlət Gömrük Komitəsi Qaçaqmalçılıq və gömrük qaydalarının pozulması ilə mübarizə baş idarəsinin rəisi vəzifəsində çalışıb, 2007-2012-ci illərdə Azərbaycan Respublikasının Baş Prokurorluğunun Beynəlxalq əlaqələr idarəsinin rəisi olub.

Ramin Babayev 2012-2017-ci illərdə Azərbaycan Respublikası Standartlaşdırma, Metrologiya və Patent üzrə Dövlət Komitəsi yanında Dövlət Akkreditasiya Xidmətinin rəsi vəzifəsini tutub, Azərbaycan Respublikası Prezidentinin Sərəncamı ilə Komitə sədrinin müavini təyin edilib.

2018-ci ildə Ramin Babayev Azərbaycan Respublikası Energetika Nazirliyinin tabeliyində yaradılmış Enerji Məsələlərini Tənzimləmə Agentliyinin İdarə Heyəti sədrinin müavini təyin edilib.